Америкийн “Washington Post” сонины эзэмшигч өөрчлөгдлөө. Өчигдөр тус сонин дэлхий даяар алдартай “Amazon.com” сайтыг үндэслэгч бөгөөд эзэмшигч Жефф Безост очсон талаараа эхний нүүрэндээ мэдээлсэн байна. Безос бол манай гарагийн хамгийн баян эрхэмүүдийн нэг. Тэрээр “Washington Post” сониныг өртэй нь хамт 250 сая доллараар худалдан авч байгаа ажээ.

Түүнээс гадна Безос энэхүү гэрээг хувиараа хийж байгаа бөгөөд “Amazon.com” сайттай ямар ч холбоогүй гэнэ. Худалдан авахад гарах бүх асуудлуудыг ойрын хоёр сарын дотор цэгцэлснээр Америкийн томоохон хэвлэл мэдээллийн хэрэгслийн нэг “Wahington Post” Жефф Безосын мэдэлд 100 хувь ирэх аж.