Америкийн тагнуулын албаны экс ажилтан Э.Сноуден эрх чөлөөний орон гэгддэг Кубыг зорих төлөвлөгөөтэй байсан ч АНУ-ын дарамт, нөлөөгөөр бүтэхгүй нь тодорхой болсон тухай цахим хэвлэлүүд мэдээлжээ. Кубын Засгийн газар Э.Сноуденыг тээвэрлэсэн онгоц Гаваныг зорих л юм бол уг нислэгийг буулгахгүй хэмээн Москвад анхааруулсан аж. АНУ-ын зүгээс Сноуденд ямар нэг тусламж үзүүлэх юмуу нааштай хандсан тохиолдолд таагүй үр дагавар хүлээж буйг анхааруулсан хэсэг орны тоонд Куба багтсан нь ийнхүү тодорхой болж байгаа юм.