Томоохон хэмжээний байгалийн гамшгаас хамгаалах сургалт Японы 47 мужийн 43-т нь болж буй агаад нэг сая гаруй япон иргэн уг сургалтад суралцаж буй аж. Үлдсэн дөрвөн муж хар салхины улмаас уг сургалтыг хойшлуулсан байна. Тус улс есдүгээр сарын нэгнийг байгалийн гамшигт сүйрлийн эсрэг өдөр болгон тэмдэглэдэг. 1923 оны Контогийн аймшигт газар хөдлөлт энэхүү өдрийг тэмдэглэн санахад хүргэсэн юм. Сургалтад жирийн иргэдээс гадна Засгийн газар, гал команд, батлан хамгаалахын салбарынхан нэгддэг. 1923 оны есдүгээр сарын нэгэнд Кантогийн бүс нутагт тохиолдсон газар хөдлөлтөд 100 гаруй мянган хүн амь эрсэдсэн эмгэнэлт түүх бий. Мөн 2011 оны гуравдугаар сард тус улсын дорно хэсэгт болсон газар хөдлөлтөд 16 мянга гаруй хүн амь эрсэдсэн юм.