Сирийн химийн зэвсгийг устгалд оруулах тухай Орос, АНУ нэгдсэн үр дүнд хүрсний дараа Герман уг ажиллагаанд тусламж үзүүлэх хүсэлтэй байгаагаа илэрхийлжээ . Германы Гадаад хэргийн сайд Гвидо Вестервеллегийн мэдэгдсэнээр , Сирийн химийн зэвсгийг устгах ажилд Берлин техникийн болон санхүүгийн тусламж үзүүлэхэд бэлэн байгаа аж. 

Өмнө нь Герман Улс Ливийн химийн зэвсгийг устгах ажилд ч мөн тусламж үзүүлж байсан билээ. “Орос-Америкийн хэлэлцээрийг одоо ажил болгох нь хамгийн чухал байна. НҮБ-ын Аюулгүйн зөвлөл, Химийн зэвсэг хориглогч байгууллагынхан энд жинхэнэ үүргээ гүйцэтгэх болов уу. Дэлхий дахиныг амар амгалан байлгахын тулд бид химийн зэвсгээс ангижрахыг хүсч байна” гэж Вестервелле мэдэгдэлдээ онцолжээ.