Их Британийн Ерөнхий сайд асан Тони Блэйрийн охин Кэтринийг буутай этгээд Лондоны төвд дээрэмдэх шахсан тухай ВВС мэдээллээ.
Ерөнхий сайдын охин 25 настай Кэтрин найз залуу болон хэсэг найзуудтайгаа даваа гарагийн үдэш явж байсан аж. Буутай хоёр эрэгтэй тэднийг сүрдүүлсэн ч буудаагүй бөгөөд юу ч дээрэмдэж чадаагүй байна. Мөн хэн нэгэн гэмтэж бэртээгүй талаар цагдаа хэллээ. Түүнчлэн өөр эмэгтэй, эрэгтэй хоёрыг буугаар сүрдүүлсэн тохиолдол гарсан гэнэ. Энэ хоёр хэргийн сэжигтэн нэг байх гэж цагдаа нар үзжээ. Хэрэгтэн одоогоор баривчлагдаагүй байгаа гэнэ