Йемен улсад  НҮБ-ын Хүүхдийн сангийн /UNISEF/ ажилтанг хулгайлсан хэрэг гарчээ. Тэрээр Сьерра-Леон улсын харъяат бөгөөд одоогоор гэмт этгээдүүд түүнийг ямар зорилготойгоор хаана хорьж байгаа нь тодорхойгүй байна.

Түүнчлэн эл өдөр дээрэмчид тус улсад суугаа Германы элчин сайд Карол Мюллер- Хольткемперыг хулгайлахыг оролдсон байна. Тэд дипломатч эмэгтэй рүү дэлгүүрээс гарч явах үед нь халджээ. Гэхдээ Германы дипломат төлөөлөгч зугтаж, харин бие хамгаалагч нь амиа алджээ.