Өнгөрсөн оны арванхоёрдугаар сард сэтгэцийн өвчтэй этгээдийн зэвсэгт дайралтад өртөн бага ангийн 20 хүүхэд амиа алдсан эмгэнэлт хэрэг гарсан Сэнди Хук сургуулийг нураан, өөр газар шинээр барих болжээ. Энэ асуудлын талаар хотын иргэдийн дунд өнгөрсөн ням гарагт санал асуулга явуулахад дөрвөн мянга гаруй хүн нураахыг дэмжиж, 500 нь эсэргүүцсэн байна.
Аймшигт хэрэг гарсны дараа Сэнди Хук сургуулийг хааж, сурагчид ойролцоохь өөр сургуульд суралцах болсон юм. Хэрэг гарсан хотод хангалттай олон сургууль байдаг ч амиа алдсан хүүхдүүдийн дурсгалыг хүндэтгэхийн тулд шинэ сургууль барих ёстой гэж эцэг, эхчүүд үзсэн аж.