Таиландад сүүлийн сарын турш үргэлжилж буй үерийн гамшиг 42 хүний амь авч одсон талаар ИТАР-ТАСС мэдээлжээ. Их усны гамшиг тус улсад өнгөрсөн сарын 17- ноос үргэлжилсэн бөгөөд тэр үеэс өнөөг хүртэл бараг долоон мянган хүн нутаг сэлгэн аюулгүй газарт шилжжээ. Усархаг борооны улмаас үүдэлтэй үерийн гамшгаас болж Чаопрайя, Тхачин голууд хэдийнэ эргээ даван дийлдэхээ больсон гэнэ. Үерийн усанд 25 мужийн зургаан мянган хот, тосгон автсан бөгөөд 3.5 сая хүн орох оронгүй болж хохироод байгаа аж.