Гэрэл зурагчин Сандра Хойн 2011 онд амралтаа Таиландад өнгөрүүлж байхдаа Бангкокоос холгүйхэн болсон тай боксын тэмцээнийг үзжээ. Тай бокс нь тамирчны өвдөг, тохой, нударгыг оролцуулаад биеийн бараг бүх ил хэсгийг ашигладаг “Найман мөчний урлаг” гэдгээрээ алдартай. Түүнчлэн тулааны урлагууд дундаас хамгийн хүндүүдийн нэгд тооцогддог. Гэвч тэр үед Сандраг уг спортын харгис байдал нь гайхшруулаагүй, харин тамирчдад нь цочролд оруулжээ. Учир нь тэрхүү тэмцээний тамирчид нь хүүхдүүд байсан аж. Ингээд тэрбээр “Тулаанч хүүхдүүд” гэдэг нэртэй цуврал зураг авсан байна. Түүний уг цомгийг харсан хүмүүс цочролд орсон ч Таиландад бол хүүхдүүд тулалдах нь хэвийн үзэгдэл гэдгийг Сандра хэлжээ. Тэнд бараг алхам тутамд тулаанд бэлтгэгдэж буй хүүхдүүдтэй тааралддаг аж.