В.Путин эхнэр Людмилатайгаа таагүй харьцаатай гэдэг нь олон нийтэд эртнээс дэлгэгдсэн билээ. Тэгвэл өмнө олны чихэнд хүрсэн бас нэгэн таамаг, цуу яриа бол В.Путины “албан бус эхнэр” гэгдсэн, алдарт гимнастикч Алина Кабаева Ерөнхийлөгчтэй албан ёсоор гэрлэх үү гэдэг яриа дэгдсээр байна.

Тэднийг хоорондоо учиртай болсон гэж 2008 оноос шуугиса ба 2009 онд төрсөн Дмитрий хүүг нь В.Путиных хэмээн бичсээр байсан юм. Сэтгүүлчдийн тааснаар бол Дмитрий гэдэг нь Ерөнхий сайд Дмитрий Медведевийг дурсаж өгсөн нэр гэнэ. Дараа нь 2012 оны арваннэгдүгээр сард Алина Кабаева дахин нэг хүүхэд-охин төрүүллээ. Чухам үүний дараа В.Путин түүнийг Сочи дахь байшиндаа бүрмөсөн нүүлгэж аваачсан бололтой.

Мөн энэ үйл явдал Людмиьла Путинагийн тэсвэрийг нэгмөсөн баржээ. В.Путины тангараг өргөх ёслолд тэрбээр огт харагдаагүй билээ. Чеченийн Ерөнхийлөгч Рамзан Кадыров түүнд мэндчилгээ хүргэхдээ В.Путины “анхны эхнэр” гэсэн үг хэрэглэсэн байдаг. Тэгэхээр В.Путины амьдралыг тойрон хүрээлэгчид нь аль хэдийнэ хүлээгээд авсан, бас хоёр дахь нь болох хүн байгаа гэдгийг мэдэж байгаа аж. Тиймээс олимпийн аварга гимнастикч, жүдогийн мастер, чекист хоёр хэзээ нэг олныг шуугиулсан хурим хийх бол хэмээн харж байгаа юм байна.