АНУ-ын Мичиган мужийн оршин суугч Алан Марковиц дэндүү явдалтай байсан экс эхнэрээсээ өшөө авах өвөрмөц аргыг сонгосон байна. Мань хүн хөрш зэргэлдээ байрлах байшинг худалдаж аваад түүнийхээ өмнө том хэмжээний дунд хуруу харуулж буй хөшөөт цогцолборыг сүндэрлүүлсэн аж. Ийм аргаар тэр араар нь тавьсан экс эхнэр болон түүний шинэ найз залууд хариу барьжээ. Өшөө авалтын хөшөөний хэмжээ 3.5 метр өндөр юм. Экс эхнэр нь шинэ амрагтайгаа тэр хөшөөг шөнийн цагаар ч тольдон харах боломж олгохын тулд Марковиц хөшөөний эргэн тойронд гэрэлтүүлэг хийж өгчээ. Ийнхүү өшөө авч тайвшрахын тулд мань хүн 7000 ам.доллар зарцуулсан байна.