АНУ-ын Техас мужийн Монтгомери хотын нэгэн зоогийн газрын эзэн Майкл де Бейер хүндээр өвдсөн зөөгчийнхөө эмчилгээний зардлыг төлөхийн тулд бизнесээ зарахаар шийджээ. Хэвлэл мэдээллийн хэрэгслүүдээр мэдээлж буйгаар Майкл де Бейер зоогийн газарт нь зөөгчөөр ажилладаг 19 настай Бриттани Мэтисийг хүндээр өвдсөнийг мэдээд ийм шийдвэр гаргасан аж. Бүсгүй тархины хорт хавдартай хэмээн оношлогджээ. Мэтис эрүүл мэндийн даатгалгүй тул өөрийн хурааж хуримтуулсан хөрөнгөө эмчилгээндээ өгөөд дуусжээ. Ингээд эмчилгээг зогсоохоос өөр аргагүйд хүрсэн аж. Ингээд ажилтандаа туслахыг хүссэн Майкл де Бейер “Kaiserhof” зоогийн газраа дуудлага худалдаанд оруулах гэж байна. Зоогийн газрын эхлэн дуудах үнэ зах зээлийн үнээс хамаагүй доогуур аж. Тэгсэн ч худалдан авагч ямар үнэ хэлнэ бүх хөрөнгө бүсгүйн эмчилгээний төлбөрт зориулагдах гэнэ. Майкл де Бейер зоогийн газраа 17 жилийн турш ажиллуулж байгаа бөгөөд сайхан түүнд бизнесийг нь 1,3 сая доллараар худалдан авах санал тавихад нь татгалзаж байсан гэнэ.