Саудын Арабт суугаа Германы хоёр дипломатчийн машин руу өнгөрсөн даваа гаригт гал нээсэн тухай Ройтерс мэдээлэв. Үл мэдэгдэх этгээдүүд гал нээснээс машин шатсан ч харин дипломатчид гэмтэж, бэртээгүй гэнэ. Энэ хэрэг Аль-Авамия хотод гарсан аж. Саудын Араб болон Эр-Рияд хотод суугаа Германы ЭСЯ- наас болсон явдлыг тодруулахаар болжээ. Цагдаа нар хэргийг шалгаж эхэлсэн байна. Германы Гадаад хэргийн яамнаас энэ талаар дэлгэрэнгүй мэдээлэл өгөөгүй байгаа юм. Ер нь улс орнуудад суугаа гадаадын дипломатчдад халдах явдал гардаг аж.