АНУ-ын Тагнуулын газрын экс ажилтан Э.Сноуден  тус улсын Үндэсний аюулгүй байд­лын агентлагтай холбоо­той дахин нэг нууц мэдээл­­лийг  цацжээ. Гер­ма­ны "ARD TV" сувагт өгсөн ярилцлагадаа тэр­бээр энэ талаар дурдсан байна. Түүний мэдээлс­нээр АНУ-ын Үндэсний аюулгүй байдлын агент­лаг нь гол өрсөлдөгч болох Германы томоохон аж үйлдвэр, компаниудыг тагнан, материал цуг­луулж байсан хэмээжээ. Мөн "Цагаан ордныхон намайг хөнөөхийг хүсч байгаа гэдэгт итгэлтэй байна" хэмээн дурдсан ажээ.

Хоёр улсын үйлдвэр­лэл­тэй холбоотой тус мэдэгдлийн улмаас АНУ, Германы хооронд дахин үл ойлголцол гарах бол­жээ. Үндэсний аюулгүй байдлын агентлаг ХБНГУ-ын аж үйлдвэрийг судалсан нь үндэсний аюулгүй байдалтай ямар ч холбоогүй, цэвэр улс орны эрх ашигтай хол­боо­той хэмээн ажиглаг­чид тайлбарлаж байна. Өмнө нь мөн Германы Канцлер А.Меркелийн утсыг чагнадаг гэх Э.Сноу­дены тараасан мэдээллийн улмаас хоёр орны харилцаа саармаг­жиж байсан удаатай. Сая­­хан АНУ-ын Ерөн­хий­лөгч Б.Обама "А.Мер­келийн утсыг чагнасан нь алдаа байсан.