Халимагийн Ардын Хурлын дарга А.Козачка XIV Далай ламд айлчлалын виз олгох хүсэлт бүхий захидлыг Оросын Гадаад харилцааны яаманд илгээжээ. Парламентын спикер Далай лам 2004 оны айлчилснаас хойш нэлээд хугацаа өнгөрч, Халимаг төдийгүй Буриад, Тува, Москвагийн буддын шашинтнууд Далай ламыг дахин айлчлуулах хүсэлт гаргаж байсныг хэлжээ. 2009 оноос хойш жил бүр Оросын олон мянган буддистууд Далай ламд мөргөхөөр Энэтхэгийг зорьдог болжээ. Мөн Далай ламын дэргэд шавилан суух Буриад, Халимаг, Тува оюутны тоо ч нэмэгдсэн байна. Энэ оны байдлаар Оросоос нийт 1500 гаруй оюутан Энэтхэгт суралцахаар болжээ.

Х .ЭРДЭНЭ