АНУ-ын Ерөнхийлөгч Барак Обама ОХУ-д  ногдуулах шинэ хориг арга хэмжээний талаар Европын орнуудын төр, Засгийн тэргүүн нартай өнгөрөгч баасан гаригийн орой тун чухал хэлэлцээ хийжээ. Б.Обама болон Европын орнуудын төр, Засгийн тэргүүн нар ОХУ-ын Украинд цэрэг оруулах төлөвлөгөөг  эрс зэмлэн буруушаахын зэрэгцээ байдал хүндэрвэл ОХУ-ын санхүүгийн салбаруудад эдийн засгийн хориг арга хэмжээ авах талаар тохиролцсон аж. Хэлэлцээрт оролцсон Европын орнуудаас Чех, Словак зэрэг хэд хэдэн орны төр, Засгийн тэргүүн нар дээрх хориг арга хэмжээг ОХУ-д үзүүлэх нөлөө бага хэмээн нэмж хориг тогтоох санал оруулсан гэнэ. Ямартаа ч утсаар хэлэлцээрт дээрх гурван орны удирдлагаас гадна Их Британийн Ерөнхий сайд Дэвид Кэмерон, Францын Ерөнхийлөгч Франсуа Олланд, Германы Канцлер Ангела Меркель, Италийн Ерөнхий сайд Маттео Рензи оролцсон байна.