“Монгол гэрийн уламжлалт урлал, зан үйл”-ийг ЮНЕСКО-гийн Хүн төрөлхтөний төлөөллийн жагсаалтад, “Монгол уран бичлэг”-ийг яаралтай хамгаалах шаардлагатай соёлын биет бус өвд бүртгэн, тунхагласаныг өчигдөр албан ёсоор зарласан. Одоогийн байдлаар ЮНЕСКО-д манай улсаас нийт 17 өв бүртгэгдээд байгаа юм байна. Тухайлбал, Хүн төрөлхтөний соёлын биет бус өвийн төлөөллийн жагсаалтад зургаа, яаралтай хамгаалах шаардлагатай соёлын биет бус өвийн жагсаалтад тав, дэлхийн дурсамж хөтөлбөрт гурав, дэлхийн соёлын өвд хоёр, дэлхийн байгалийн өвд нэг бүртгэгджээ.