“Амар мэндийн аялгуу” олны хүртээл боллоо

    Өмнөговь сумын 10 жилийн дунд сургуулийн сурагчид “Хүүхдийн урлагийн наадмаас” алт, мөнгө, хүрэл медаль зүүж ирдэг байсан түүх 1980 хэдэн оноох... Дуу хөгжмийн багш Чингис, Чулуунжав нарын удирдлагаар олон ч хүүхэд урлагт дурлаж байсан юм. Цаг хугацаа улиран одоход олон хүний түүх өөрчлөгдсөн. Явсан зам мөр нь ч өөрчлөгдсөн. Тэдний дундаас урлагтаа үнэнч хэвээр үлдсэн нь дуучин СТА Мягмарын Бямбажав, “Түмэн эх” чуулгын дуучин СТА Гомбодоржийн Бямбажаргал нар юм. М.Бямбажав “Ай даа хүмүүс минь амьдрах сайхан” дуугаа дуулж Монгол түмний хайртай дуучин болоод 25 жил болжээ. Г.Бямбажаргал “Түмэн эх” чуулгатай амьдрал уран бүтээлээ холбож яваа. Монгол улсын ардын дуу, урт дуу, хөөмий, хархираа зэрэг үндэснийхээ урлагийн өв соёлыг тээж яваа чуулга бол “Түмэн эх” чуулга юм.
 
      Өмнөговь сумын тайзан дээр нэгдэж дуулж, бүжиглэж явсан нутгийн хоёр уран бүтээлч маань “Амар мэндийн аялгуу” хэмээх сайхан дууг хамтран дуулжээ.  М.Бямбажав, Г.Бямбажаргал нарыг хэзээ хамтран уран бүтээл хийх бол гэж нутгийн олон түмэн чих тавин хүлээж байсан биз.  Тэр хүлээлт биелж нутгийн хоёр уран бүтээлч маань хамтран дуулсан дууг манай сайт та бүхэндээ хүргэж байна. Дашрамд дурдахад уг дууны үг аялгууг зохиолч, яруу найрагч Давгын Жаргалсайхан бүтээжээ.


А.Гал
  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (1)

  • Уянга (202.179.22.92)

    2014-06-17

    Сайхан дуу байна, Бямбажав өвөрмөц хоолойтоо дуучин шүү