Британи Ираны дипломатчдыг үүрэгт ажлаас нь чөлөөллөө
- 2011-12-01
- Дэлхий
- 0
Ираны босогчид цөмийн хөтөлбөрийн тал дээр Ираны эсрэг авсан хориг арга
хэмжээг эсэргүүцэн, нийслэл Тегеран дахь Их Британи, Умард Иреландын
Вант улсын Элчин Сайдын Яам руу мягмар гарагт халдлага үйлдээд байсан
билээ
Салбарын сайд Уиллиам Хаг “Өөрийн нутаг дэвсгэртээ тус улсын үйл ажиллагааг явуулах боломжгүй болгож байгаа Ираны Элчин Сайдын Яам энд байх шаардлагагүй” хэмээн байр сууриа хатуу илэрхийлээд, Бруссельд байрлах Европын Холбооны Гадаад Хэргийн Консулын хурлаар дээрхи асуудлыг оруулж хэлэлцүүлэх болно гэжээ.
Тэрээр мөн “Бид уг хэрэг явдлын талаар сайтар хэлэлцэж, цаашид цөмийн хөтөлбөрийн тал дээр Иран улстай хамтарч ажиллах, үгүй эсэхээ шийдэх болно хэмээн мэдэгджээ.
Ираны Гадаад Хэргийн Яам Британий тус үйлдлийг “Бодлогогүй алхам” хэмээгээд, цаашид Иран улсын зүгээс ч мөн тохирох арга хэмжээнүүдийг тухай бүрт нь авах болно гэдгээ илэрхийлсэн байна.
Герман, Франц болон Нидерланд зэрэг улсууд өчигдөр зөвлөлдсөний эцэст Тегеранд суугаа Элчин Сайдуудаа эргүүлэн татахаар болсноо Ираны талд албан ёсоор мэдэгдсэн бөгөөд Норвеги урьдчилан сануулга өгөх үүднээс Элчин Сайдын Яамаа түр хааж байгаагаа мөн мэдэгджээ.
Иранын зүгээс тус хэрэг явдлыг цөөн тооны хүмүүсийн зүй бус аашилсан хэрэг байсан гээд ийм явдал болсонд харамсаж байгаагаа илэрхийлсэн хэдий ч, Британийн Гадаад Хэргийн Сайд халдлагыг үйлдсэн этгээдүүдийн ихэнх нь Ираны Басиж цэргийн анги, нэгтгэлийн хүмүүс байсан хэмээн баталсан байна. АНУ, Европын Холбоо болон НҮБ-н аюулгүйн зөвлөл Ираны тус үйлдлийг буруушааж байгаагаа илэрхийлжээ.
UNEN.mn сайтын сэтгүүлч, орчуулагч О.Удвал
Сэтгэгдэл (0)