Нэгэн иргэний хүсэлтээр хууль ёсны барилгын үйл ажиллагааг шуудхан зогсоож, тогтоол шийдвэрүүд тэр дороо гарч байгаагаас харвал С.Энхцэцэг гэгчийн ар талд шүүх засаглалын нэг томоохон этгээд байгаа нь ч анзаарагдана. Ийнхүү хурдан шуурхай шийдвэр гаргасан шигээ тус маргааны асуудал ч шүүхээр мөн л хурдан шийдэгдсэн аж. Ийн шийдвэр гаргахдаа “Ачлал-Оточ” эмнэлгийн 16:16 харьцаатай 1792 метр квадрат талбайд баригдахаар зураг төсөл нь гарч, суурийн ажил эхлээд байсан долоон давхар барилгыг бариулахгүй байх шийдвэрийг гаргасан байх юм.
     Тэгэхдээ иргэн С.Энхцэцэгийн барилгын гадна дулааны шугамыг “Ачлал трейд”-ийн 100 хувийн хөрөнгөөр тавьж өгөх шийдвэрт хүрчээ. Иргэн С.Энхцэцэгийн барилга руу дулааны шугам тавихад 400 метр газраас татаж тавих бөгөөд нийт зардал нь 200 сая төгрөг болох аж. Гурван талдаа цонхтой барилгын зөвхөн нэг талынх нь цонхыг хаасан хэмээн суурийн ажил нь эхэлчихсэн долоон давхар барилга бариулах ажиллагааг зогсоож, өөрсдийхөө барилгын дулааны асуудлыг шийдүүлэхээр 200 сая төгрөг гаргуулж байгаагаас харвал энэ нь зохион байгуулалтай ажиллагаа ч байж болохоор харагдана.
      Өөрөөр хэлбэл иргэн С.Энхцэцэг нар шүүх засаглалаар түрий барьж, дулааныхаа хөрөнгийг шийдэх гэсэн зохион байгуулалтай ажил ч гэмээр харагдаж байна. Ийн хачирхалтай шийдвэр гаргасныг харсан Нийслэлийн мэргэжлийн хяналтынхан ч мэл гайхсан аж. Аргагүй шүү дээ. Хууль ёсны зөвшөөрлийн дагуу үйл ажиллагаа явуулж байгаа газрыг дарамталж барилга барих зөвшөөрлийг нь цуцлуулчихаад, бас дээр нь өөрийнхөө барилгын дулааны асуудлыг шийдэх мөнгийг “Ачлал трейд”-ээс гаргуулж байна гэхээр хэн ч гайхаж таарна. Гайхахаас гадна ёстой л зохион байгуулалттай шантааж гэж хэлж болохоор.