АНУ-ын тагнуулын нэгэн онгоц өнгөрөгч сард Оросын сөнөөгч онгоцнуудад баригдахаас зугтаж Шведийн агаарын хилд нэвтэрсэн гэж “Нью-Йорк таймс” сонин мэдээллээ. Энэ явдал долдугаар сарын 18-нд болсон бөгөөд онгоцыг Орос болон Шведийн тал хэдийнэ мэдсэн байна. АНУ-ын албаныхны хэлснээр, тус улсын Агаарын хүчний “RC-135” электрон тагнуулын онгоц Балтийн тэнгисийн дээгүүрх олон улсын агаарын орон зайд нисч байсан ч ийнхүү Оросын сөнөөгчдийг дөхөн ирэх үед зугтжээ. “RC-135” нь нисгэгчтэй тагнуулын онгоц бөгөөд ОХУ-ын сөнөөгч онгоцуудад илрэхээс эмээсэн үү, аль эсвэл устгана гэж бодсон уу ямартай ч олон улсын агаарын хилийн хуулийг зөрчиж Швед рүү зугтжээ. Түүнчлэн Швед нь НАТО- гийн гишүүн биш бөгөөд Европын багийнхан дээрх үйлдлийг АНУ-ын буруу гэж мэдэгджээ. АНУ, ОХУ-ын харилцаа Вашингтон Москваг Киевийн Засгийн газартай тэмцэж буй босогчдыг дэмжиж, зэвсэг нийлүүлсэнд буруутгасан Украины хямралын асуудлаар дэлхийн II дайнаас хойшхи хамгийн доод төвшиндөө хүрээд байгаа бөгөөд АНУ-ын албаныхан Оросын сөнөөгчдийг өөрийнх нь тагнуулын онгоцыг сөнөөж магадгүй гэж үзсэн бололтой. Тэгвэл Шведийн агаарын хөдөлгөөний хянагчид АНУ-ын тагнуулын онгоцыг Польш, Литвийн хоорондох Оросын Балтийн тэнгисийн цэргийн хүчний томоохон хэсэг байрладаг боомт хот Калининградын ойролцоо нисч байсан гэж мэдээлжээ. Харин АНУ- ын албаныхан “RC-135” Шведийн агаарын хилийг зөрчсөн ч тус улсын агаарын хөдөлгөөний хянагчид байрлалыг нь буруу тогтоосон гэж мэдэгджээ.