ОХУ, барууны орнуудын харилцаа холбоо доод цэгтээ хүрвэл Европын холбоо ОХУ-ын агаарын тээврийн нислэгүүдийг Европын тэнгэрээс зорчихыг хориглох боломжтойг Европын холбооны тэргүүлэгч орон Германы нөлөө бүхий олон улсын телевиз “Дойчэ Велле” хөндлөө. Европын холбоо ОХУ-ын хориг арга хэмжээ авах гэж байгаа бөгөөд үүний улмаас ОХУ Европын холбооны эсрэг хориг арга хэмжээ авч магадгүй тухай дурдсан юм. Хэрвээ ОХУ Европын холбооны эсрэг хориг тогтоовол Оросын онгоцууд Европын дээгүүр нисэх эрхгүй болох боломжтой аж. Ийм байдал үүсвэл ОХУ-ын эдийн засагт томоохон хохирол учирч, цаг хугацаа алдана. Нөгөөтэйгүүр Кремлийн тэргүүн Владимир Путины нэр хүнд унана. АНУ болон Европын холбоо, тэдгээрийн холбоотнуудын ОХУ-ын эсрэг авах хориг арга хэмжээний улмаас Оросын иргэдийн тал хувь нь В.Путинаас нүүр буруулж эхэлснийг судалгааны байгууллагууд тогтоосон. Хэрвээ хориг арга хэмжээ хэрэгжиж эхлэвэл энэ тоо улам өсөх нь ойлгомжтой. Барууны орнууд ОХУ- ын улстөрийн ертөнцийнхөнд хориг тогтоогоод зогсохгүй бизнесийнхний гадаад дахь үйл ажиллагааг бүрэн зогсоох юм. Юутай ч, ОХУ Европын холбооны хоригийн хариуд тус холбооны орнуудын транс-Сибирийн дээгүүр хийх нислэгийг хориглох эсэхээс хамаарч Оросын онгоцууд урьдын адил Европоор дамжих нь шийдэгдэнэ. Хэрвээ ОХУ транс- Сибирийн дээгүүрх Евродын холбооны нислэгийг хоригловол Европын онгоцууд Хойд туйлаар дамжин Азид хүрнэ. Энэ нислэгийн хугацааг 3-4 цагаар нэмэгдүүлэхээс гадна Хойд туйлын хүйтэн, шуурга осол гарах эрсдлийг нэмэгдүүлнэ.