ОХУ-ын Ерөнхий сайд Дмитрий Медведевийн твиттерийг хакердсан болохыг тус улсын Засгийн газрын Хэвлэлийн албанаас мэдээлжээ. Түүний твиттер хуудаснаа нийтэлсэн үгс худал бөгөөд энэ хэргийг шалгаж эхэлж байгаа аж.

Ерөнхий сайдын твиттерт “Би огцрох гэж байгаа. Би Засгийн газрын үйл ажиллагаанаас ичиж байна” гэх зэргээр жиргэжээ. Эдгээр үгийг 6200 удаа нийтэлж тараасан бөгөөд хүмүүс янз бүрийн сэтгэгдлүүд бичиж, зарим нь түүний туслах руу утасдаж лавлаж байгаа аж.