Энэтхэгийн Ганганараг хотод өсвөр насны охиныг хүчиндэхийг завдсаны дараа гудамжны танхай залуус 40 настай эрийн бэлэг эрхтэнийг нь тасдсан хэрэг явдал гарчээ.

Суреш Кумар дунд сургуулийн охиныг хүчиндэхийг завдаж байсан аж. Гэтэл охины чарлах чимээг сонссон гудамжны залуус түүний үйлдлийг таслан зогсоосон байна. Улмаар түүнийг зодож, бэлэг эрхтэнийг нь тасалжээ.

Хэрэг явдлыг харсан Аамир Дхаван ярихдаа “Түүнд туслах ямар ч шаардлага байхгүй. Тэр бяцхан охиныг хүчиндэхийг завдсан шүү дээ. Охидыг хүчиндэх явдлыг бид хүчтэй эсэргүүцнэ. Түүний эрхтэнийг тасалсан явдал нь юу ч биш юм” гэжээ.

Түүний ярьснаар охидыг хүчирхийлсэн гэмт хэргүүд ихэвчлэн хуулийн дагуу шийдвэрлэгдэх нь тун цөөхөн байдаг аж. Учир нь гэмт хэрэгтнүүд ямар нэгэн шалтгаанаар, авлига хээл хахуулиар хуулийнхныг өөр шийдвэр гаргахад нөлөөлдөг байна.

Хүчиндэхийг завдсан Суреш Кумарыг цагдаа нар ойролцоох эмнэлэг рүү хүргэжээ. Энэ явдал охидыг хүчирхийлэхийн эсрэг томоохон анхааруулга боллоо гэж орон нутгийн хэвлэлүүд мэдээлэв.

Үргэжлийг энд дарж үзнэ үү