Мексикийн Синалоа мужийн Масатлан хотын “Fiesta Mexicana” радио станцад зэвсэглэсэн этгээдүүд нэвтэрч, хөтлөгчийг нь буудсан хэрэг гарчээ. Хөтлөгч Атилано Романа Тирадог долоо хоног тутам явуулдаг шууд нэвтрүүлгээ хөтөлж байхад ийн амийг нь хөнөөсөн байна. Радиогийн захирал Серхио Онтивероса энэ талаар “Үл таних хоёр этгээд Тирадог хаанаас олж болохыг асуухад нь би тэдэнд хүлээж байхыг хүссэн. Гэвч тэд миний хэлснийг үл тоон студи рүү орж, хөтлөгч рүү шууд гал нээсэн” гэж мэдэгджээ. Хөтлөгч толгой, цээжиндээ шархдаж, эмнэлэгт хүргэгдсэнийхээ дараа нас барсан байна. Харин гэмт хэрэгтнүүд хэргийн газраас зугтжээ. Мексикийн хуулийн байгууллагынхан гэмт хэрэгтнүүдийг эрэн сурвалжлах ажлыг эхлүүлсэн аж.

Д.Болд