Өмнө нь ноцтой осол болсон Японы “Фукушима-1” атомын цахилгаан станцын нэгдүгээр реакторын хамгаалалтын бүрхэвчний нэг хэсэг хүчтэй салхинд хууран унажээ. Станцын оператор компани болох “Tokio Electric Power”-ийн төлөөлөгчийн мэдэгдсэнээр цацраг идэвхийн төвшин нэмэгдээгүй аж. Фукушимад 2011 оны арваннэгдүгээр сард радио идэвхт тоосонцор тархахаас хамгаалах зорилгоор босгосон 54 метр өндөр хуванцар бүрхүүлийг авах ажлын бэлтгэл өнгөрсөн долоо хоногоос эхлэх байсан ч дээрх ослоос болж уг ажил түр хугацаагаар хойшлохоор болжээ. Одоогийн байдлаар харьцангуй бага гэмтсэн дөрөвдүгээр реактороос ашиглаж байсан түлш гаргах ажлыг гүйцэтгэж, 2015 оны эцэс гэхэд дөрвөн реакторыг бүрэн суллах юм. Үүний дараагаар хайлсан цөмийн блок дахь цөмийн түлшний үлдэгдлийг гаргаж эхлэх юм байна.

Т.ГАНБААТАР