Оросын Ерөнхийлөгч В.Пути нийг Финландын цагдаагийнхан аюултай этгээдүүдийн хар жаг саалтдаа оруулсан тухай өнгөрсөн оны дөрөвдүгээр сард тус улсын хэвлэлүүд мэдээлсэн билээ. Энэ нь В.Путин “Шөнийн чононууд” нэртэй байкерийн клубийн гишүүдтэй уулзсантай холбоотой хэмээн сэтгүүлчид бичиж байсан юм. Финландын эрх баригчид тухайн үед алдаа гаргаснаа хүлээж, түүний нэрийг жагсаалтаас хассанаа мэдэгдсэн байна. Харин саяхан Финландын прокурорын байгууллагаас уг хэрэгтэй холбоотой цагдаагийн гурван ажилтныг нууцын зэрэглэлтэй бичиг баримт задруулсан, гэмт хэрэгтнүүдийн жагсаалтыг хянахдаа хайнга хандсан зэрэг үндэслэлээр тэдэнд хэрэг үүсгэсэн байна. Цагдаагийн гурван ажилтны хоёр нь удирдах томоохон албан тушаалтан бол нэг нь энгийн цагдаагийн ажилтан аж. В.Путинийг аюултай гэмт хэрэгтний жагсаалтад оруулсан талаар түүний хэвлэлийн төлөөлөгч Д.Песков Ерөнхийлөгч уг хэрэгт ёжтой хандсан талаар тухайн үед ярьжээ. Түүнчлэн Финландын тал арга хэмжээ авч, хүлцэл өчсөн болохоор ямар нэг хариу үйлдэл хийх шаардлагагүй тухай мэдэгдсэн байна.

Д.Болд