Оросын эрх баригчид Минскт байгуулсан гэрээг үл ойшоосон хэвээр байвал илүү хохирол амсч болзошгүйг Цагаан ордны төлөөлөгч мэдэгджээ. Оросын эрх баригчид Украины зүүн хэсэг дэх хоёр мужид салан тусгаарлагчдын зохион байгуулсан сонгуулийг хүлээн зөвшөөрснийг АНУ-ын эрс хатуу байр сууринаас хүлээн авчээ. Цагаан ордны төлөөлөгч“Бид Оросын Гадаад хэргийн яамнаас мэдэгдэл гаргаж, энэхүү хуурамч сонгуулийг хууль ёсны болгохыг оролдсонд санаа зовниж байна” хэмээн мэдэгдсэн байна. Украины удирдлага барууны бусад орны нэгэн адил Донецк, Луганскийн Бүгд найрамдах улсад өнгөрсөн ням гаригт болсон бүх нийтийн сонгуулийг хууль ёсных хэмээн хүлээн зөвшөөрөөгүй. Харин Оросын тал уг сонгуулийг хүндэтгэж байгаагаа илэрхийлсэн. Оросын эрх баригчид болон салан тусгаарлагчид энэ сонгууль нь Минск хотноо сөргөлдөгч хоёр талын байгуулсан гэрээг зөрчөөгүй гэж үздэг.

Д.Болд