Аргентины татварын ажилтнууд мөнгө угаах үйл ажиллагаатай тэмцэх ажлын хүрээнд 70 гаруй банк, санхүүгийн байгууллагад гэнэтийн шалгалт хийжээ. Шалгалтыг нийслэл Буэнос-Айрес болон бусад хотод зохион байгуулсан байна. Тус улсын эрх баригчид татвараас зайлсхийхэд санхүүгийн байгууллагуудыг оролцдог хэмээн буруутгадаг аж. Энэ сарын эхээр Аргентинд үйл ажиллагаагаа явуулдаг АНУ-ын “Procter & Gamble” компани татварын асуудалтай байснаас үйл ажиллагааг нь түр зогсоосон юм.

Х.ЗАЯА