Хятад, Японы эрх баригчид Дэлхийн хоёр-дугаар дайны үед Хятадын нутагт японы цэргүүдийн үлдээсэн химийн зэвсгийг устгаж эхэлжээ. Энэ ажлын хүрээнд Хятадын зүүн хойд хэсэгт орших Цзилинь мужид хэдэн зуун мянган химийн зэвсэг устгах аж. Хоёр орны хооронд дайн дуусах үед япон цэргүүд сум, хэрэгслүүдээ газарт булах юмуу голын усанд живүүлсэн гэдэг. Тэдгээр сум хэрэгсэл олон жилийн турш байгаль орчныг хордуулаад зогсохгүй нутгийн иргэд тэдгээрт өртөж, амь нас, эрүүл мэндээрээ хохирдог байна. Хоёр тал тохиролцсоноор Японы тал энэ ажлыг санхүүжүүлэхээр болжээ.

Д.Болд