Францын эрх баригчид өнгөрсөн даваа гаригаас эхлэн аюулгүй байдлыг хангах талаар онцгой арга хэмжээ авчээ. Энэ ажлын хүрээнд нийт10 мянган цэргийн албан хаагчийг дайчилж олон нийтийн газруудын аюулгүй байдлыг хангуулахаар болсон байна. Францын Ерөнхий сайд Мануэль Вальс энэ тухай мэдэгдэхдээ“Энэ сарын9-нд кошерын (еврейн) хүнсний дэлгүүрт халдсан гэмт этгээдэд хамсаатнууд байсан. Франц улс одоо жихад, терроризм, радикал исламын эсрэг дайны байдалд байна” хэмээн онцолсон аж. Францын эрх баригчид Батлан хамгаалахын сайдын оролцоотойгоор энэ сарын12-нд аюулгүй байдалтай холбоотой хуралдаан хийж, 10 мянган цэргийн албан хаагч, 4100 цагдаа, хүчний бусад байгуулагын8000 ажилтан өндөржүүлсэн бэлэн байдалд ажиллаж эхэлсэн тухай өгүүлжээ.