Манай гарагийн хамгийн үнэтэй амьтан бол мусанг юм. Сүүн тэжээлтэн энэхүү амьтан байгальд 15-20 жил амьдардаг байна. Мөн нас бие гүйцсэн мусанг 3-4 килограмм жинтэй аж. Ховор төрлийн үслэг арьстай биш атлаа хамгийн үнэтэй амьтнаар яагаад тодорсон нь хачирхалтай. Хүмүүс түүний мах, арьсанд хэзээ ч шунаж байгаагүй атлаа биологийн өвөрмөц бүтцэд эрхгүй татагддаг байна. Мусангийг кофены амьд уурхай гэдэг. Учир нь, мусанг дэлхийн хамгийн сайхан амттай, тансаг зэрэглэлийн кофег үйлдвэрлэгч юм. Мусанг кофены модноос боловсорч дууссан үр жимсийг нь сонгож иддэг байна. Уг сүүн тэжээлтний ходоодноос ялгардаг нэгэн төрлийн хүчил кофены үр жимсийг задалж хоргол хэлбэрээр гадагшлуулдаг аж. Дашрамд дурдахад, мусангийн хоргол ямар ч үнэргүй. Улмаар мусангийн хорголыг түүж, кофены үртэй адил аргаар боловсруулж, тансаг зэрэглэлийн кофе үйлдвэрлэдэг байна. Нэг килограмм хоргол нь 1000 ам.долларын ханштай учраас мусангийг хамгийн үнэтэй амьтан гэдэг. Дээд зэрэглэлийн кофешоп, ресторанд энэ сортын кофе нэг аяга нь 20 ам.доллар ажээ.