Умард Солонгосын эрх баригчид Эбола вирусын халдвар тархахаас сэргийлэн нийслэл Пхеньян хотноо зохион байгуулах марафон гүйлтийн тэмцээнд гадаадын тамирчдыг оролцуулахгүй гэдгээ мэдэгджээ. Пхеньян хотноо дөрөвдүгээр сард марафон тэмцээн зохиодог уламжлалтай. Дэлхий даяар 9000 гаруй хүний амь насыг авч одсон халдварт өвчин тус улсад бүртгэгдээгүй боловч эрх баригчид нь өнгөрсөн аравдугаар сараас хойш жуулчдыг нутагтаа нэвтрүүлэхийг зогсоосон юм. Түүнчлэн гадаадын харьяат ажилтнууд, дипломатуудын хувьд 21 хоногийн хөл хорионы дэглэм тогтоож, тухайн албан байгууллага, ЭСЯ-ы байрнаас гарахыг хориглосон аж.

Д.Болд