Олон улсын үнэлгээний “Moody’s” агентлаг ОХУ-ын зээлжих зэрэглэлийг дахин нэг шатаар бууруулж, Ba1 болгожээ. Мөн хэтийн төлвийг нь сөрөг гэж үзсэн байна. Тус агентлагийн үзэж буйгаар “ОХУ-д инфляцын төвшин өндөр байж, газрын тосны үнэ хямдарсан нь бизнес эрхлэгч болон хэрэглэгчдийн итгэлд сөргөөр нөлөөлж байгаа” хэмээсэн аж. Харин тус байгууллагын уг дүгнэлтийг ОХУ-аас “Улс төрийн шалтгаантай” хэмээн үзэж буй гэнэ. Тиймээс БНХАУ-тай хамтарч өөрсдийн зээлжих зэрэглэлийг тогтоодог агентлагтай болохоор тохиролцоод байгаа аж. Украин дахь нөхцөл байдал, газрын тосны үнэ хямдарсан зэргээс болоод “Standard & Poor’s” агентлаг тус улсын зээлжих зэрэглэлийг мөн л бууруулж байжээ.

Д.БУЛГАН