Либери улс хилээ нээж, улс даяар тогтоосон хөл хорих дэглэмийг цуцалснаа мэдэгэджээ. Либерид Эбола вирусын халдвар дэгдсэнтэй холбоотойгоор тус улсын эрх баригчид өнгөрсөн оны долдугаар сард уг хоригийг тогтоосон. Уг шийдвэр өнгөрсөн ням гаригаас хэрэгжиж эхэлснээр таван сарын турш хаалгаа барьсан сургуулиуд ажиллаж эхлэх юм. Эбола вирусын халдварын улмаас баруун Африкийн бүс нутагт орших Гвиней, Сьерра-Леон, Либери улсад нийт 9000 гаруй хүн амь насаа алдсанаас Либерид 3900 тохиолдол бүртгэгджээ.