Оросын сөрөг хүчний удир­ дагчдын нэг Б.Немцовыг хөнөөсөн хэрэгт холбогдуулан таван хүнийг баривчилсан. Сэжигтнүүдэхнээсээ хэргээ хүлээжмэдүүлэг өгч эхэлсэн тухай “Росбалт” агентлагаас мэдээлжээ. Чеченийн Дотоод яамны “Север” батальоны захирагчийн орлогч Заур Дадаев хэмээх этгээд улстөрчийг хөнөөснөө хүлээж, ямар учир шалтгаантай гэдгээ тайлбарласан байна. З.Дадаев нь ОХУ­ын Дотоод хэргийн яамны тусгай хэсэгт арав гаруй жил алба хаасан аж. Тус хэсгийг 2006 оноос Ахмата Кадыровын нэрэмжит “Север” нэртэй батальон болгосон. Батаольоны захирагчаар Алимбек Делимханов ажилладаг бөгөөд тэрбээр Р.Кадыровын “хуурай” дүү, Төрийн Думын депутат Адам Делимхановын дүү гэнэ. З.Дадаев нэг удаа найз нөхдийнхөө хүрээнд ярилцажсуухдаа улстөрч Б.Немцов исламын шашинтнуудын итгэл үнэмшлийг доромжилжбайгаа тухай ярилцаж, түүнийг шийтгэхээр зориг шулуудсан гэнэ. Энэ хэрэгтээ тэрбээр Москва хотноо арав гаруй жил амьдарсан Заур Губашев, Шадид Губашев хэмээх өөрийнх нь үеэл ах, дүү хоёрыг татан оролцуулжээ. Харин тэр хоёр бусад этгээдийн туслалцааг авсан аж. Гэсэн ч Анзор Губашев, Шагид Губашев, Зауру Дадаев, Тамерлан Эскерханов, Хамзад Бахаев хэмээх хамтрагч бусад дөрвөн этгээд хэргээ хүлээхгүй байгаа аж. Москва хотын Басманный дахь шүүхээс эдгээр сэжигтнийг саатуулах тухай тогтоол гаргасан боловч эдгээрээс зөвхөн Шагид Губашев, Заур Дадаев нарыг аллагад буруутгаж, бусдыг нь сэжигтнүүд хэмээн үзэж, шалгажэхэлжээ. Хууль сахиулах байгууллага дахь “Росбалт”­ын эх сурвалж“З.Дадаев хэргийг зохион байгуулсан гэдгээ үндсэндээ хүлээн зөвшөөрсөн болохоор энэ хэргийн хүрээнд өөр ямар нэгэн шуугиан тарьсан баривчилгаа, шинэ баримт гарч ирэхгүй” гэжээ.

ХЭРГИЙН ШАЛТГААН

З.Дадаев Б.Немцовыг Орос дахь исламын шашинтнууд болон шашныхнь тухай нэг бус удаа хэлсэн үгийнх нь төлөө хөнөөсөн гэдгээ өгүүлжээ. Б.Немцов 2007 онд “Эксперт” сэтгүүлд ярилцлага өгөхдөө Ерөнхийлөгч В.Путины явуулжбуй бодлого төрөлтийг нэмэгдүүлэх, нэн ялангуяа исламын шашинтнуудын амьдардаг бүс нутагт чиглэсэн тухай мэдэгдэж, энэ Оросын ирээдүйд үхлийн аюултай болохыг өгүүлжээ. Үүний дараа исламын шашны зүтгэлтнүүд улстөрчийг исламын шашны эсрэг үзэлд буруутгасан аж. Энэ оны нэгдүгээр сард Францын “Шарли Эбдо” сонины сэтгүүлчдийг хөнөөсөн хэргийн дараа Б.Немцов “Эхо Москвы” сайт дахь өөрийг блогт шог зураачдын үйлдлийг зөвтгөж, “Исламын шашин нь Дундад зуунд оршижбайна” гээд дээрх үйл явдлыг “Исламын шашны харгис шүүх” хэмээн нэрлэсэн байна. Үүнээс хэд хоногийн дараа тэрбээр Р.Кадыров бүгдийг өөрийн заналхийлж, залхаасан болохоор түүнийг торны цаана суулгах цаг нь болсон тухай мэдэгдсэн аж. Чечений Ерөнхийлөгч Р.Кадыровыг сөрөг хүчний улстөрч, М.Ходорковский, сэтгүүлч А.Венедиктов нарыг “Шарли Эбдо”­ ийн сэтгүүлчдийг дэмжсэнийх нь төлөө таагүй үг хэлсний дараа Б.Немцов дээрх мэдэгдлээ хийжээ. Чеченийн тэргүүн Р.Кадыров энэ үйл явдлын тухай өнгөрсөн ням гаригт цахим сүлжээнд тайлбарлахдаа улстөрчийг исламын шашны тухай мэдэгдлээсээ болжалагдсан тухай З.Дадаевын мэдүүлгийг баталсан байна. Гэхдээ тэрбээр З.Дадаев хүн хөнөөсөн бол хүнд хэрэг үйлдсэн гэдгийг өгүүлсэн байна. Мөн түүнийг “Оросын эсрэг нэг ч алхам хийхгүй, тус улсын төлөө амь хайргүй тэмцэжявсан гэдгийг өгүүлсэн аж. Хэрэгт холбогдуулан шалгажбуй Беслан Шавановыг Р.Кадыров “Эрэлхэг дайчин” хэмээн тодорхойлжээ.

ЖАННА НЕМЦОВА: ЭНЭ АЛЛАГАД ЭРХ БАРИГЧИД БУРУУТАЙ 

Борис Немцовын ууган охин Жанна Оросын эрх баригчдыг эцгийнхээ үхэлд буруутай хэмээн мэдэгджээ. Тэрбээр “Би үүнийг захиалгат аллага байсан гэдэгт итгэлтэй байна” хэмээн Германы “Bild am Sonn­ tag” сонинд ярилцлага өгөхдөө хэлсэн байна. Жанна аллагыг эрх баригчдын дэмжлэгтэйгээр зохион байгуулсан болохоор хэрэгтнүүд ялаас мултарна гэдэгт итгэлтэй байгаагаа илэрхийлсэн аж. Тэрбээр “Кремлийн эсрэг байсан болохоор түүнийг хөнөөсөн. Энэ бол тодорхой” гэжээ. Түүнчлэн эцгийг нь хөнөөсөн хэргээр хэн нэгнийг ялласан ч тэдгээр нь жинхэнэ хэрэгтнүүд биш байх нь тодорхой гэжүзсэн аж. “Орост сөрөг хүчний бусад улстөрчдийг олжхарахгүй байна. Сөрөг хүчин удирдагчаа алдлаа” хэмээн энэхүү тэрбээр үйл явдлын үр дагаврыг тайлбарлажээ.

Д.Болд