Ерөнхийлөгч В.Путин Крымын хойгийг хэрхэн Оросын бүрэлдэхүүнд эргүүлэн авсан тухайгаа “Россия­1” сувагт өгсөн ярилцлагадаа өгүүлжээ. Түүний яриаг тус телевизийн “Эх орондоо эргэн ирэх зам” (“Путь на Родину”) кинонд оруулах аж. В.Путины өгүүлснээр тэрбээр амь насанд нь бодит аюул тулгараад байсан Украины Ерөнхийлөгчийг аврахыг тусгай албад, Батлан хамгаалах яамандаа үүрэг болгосон аж. Оросын Ерөнхийлөгч “Бид түүнийг Донецкоос шууд ус, агаар, хуурай замын аль алинаар нь татан авахад бэлтгэсэн. Энэ үйл явдал хоёрдугаар сарын 22­23­ ны хооронд болж, өглөө долоон цагийн үед дууссан. Хамтран зүтгэгчдээсээ салахдаа би тэдэнд Крымыг Оросын бүрэлдэхүүнд буцаан авах үйл явцыг эхлүүлэхээс өөр аргагүй боллоо гэдгийг хэлсэн” гэжээ. Өнгөрсөн оны хоёрдугаар сарын 26­27­нд шилжих шөнө ямар нэг таних тэмдэггүй, сайтар зэвсэглэсэн хүмүүс Крымын парламент, Сайд нарын зөвлөлийн байрыг эзэлсэн. Удалгүй байрны дээр Оросын далбайг мандаж, таних тэмдэггүй цэргийн хүмүүс Крымыг Украинтай холбосон замууд дээр шалган нэвтрүүлэх цэг байгуулж, харилцаа холбоог тасалдуулсан байна. Крымд өнгөрсөн оны гуравдугаар сарын 16­нд бүх нийтийн санал асуулга болж, иргэдийн нь 95 орчим хувь Оросын холбооны улсын бүрэлдэхүүнд нэгдэхийн төлөө санал өгсөн юм.

Д.МӨНХ