Орос, Умард Солонгосын эрх баригчид 2015 оныг хоёр орны найрамдлын жил болгон тэмдэглэхээр болжээ. Энэ онд Солонгосын хойгийг чөлөөлсөн, Оросын ард түмэн нацистын Германыг ялсны 70 жилийн ой болж буйг хоёр тал өргөн тэмдэглэх юм.

Найрамдлын жилийн хүрээнд талууд төлөөлөгчид солилцон, бүс нутаг, байгууллагууд нь хамтран ажиллаж, хоёр орны нийслэлд соёлын арга хэмжээ зохион байгуулах юм. Оросын тал Умард Солонгосын удирдагчийг Москвад болох Ялалтын баярын арга хэмжээнд урьсан байна.