“Левада-Центр” социологийн судалгааны төвөөс Оросын иргэдийн дунд явуулсан санал асуулгаас үзэхэд тэдний 37 хувьд улстөрч Б.Немцовыг хөнөөсөн хэрэг сэтгэлийг нь өгт хөдөлгөөгүй гэнэ. Энэ хэрэгтэй холбоотойгоор орос иргэдийн 26 хувь нь уй гашуу, 17 хувь дургүйцэл, уур хилэн, найман хувь нь айдас, түгшүүр мэдэрсэнээ өгүүлжээ. Хэргийн талаарх мэдээллийг тэдний 42 хувь ажиглаж байгаа бол 48 хувь ямар нэг зүйл сонссон, 10 хувь нь энэ талаар ямар нэг ойлголтгүй байжээ. Үүнээс гадна иргэдийн 44 хувь хэргийн захиалагчдыг олж илрүүлэх боломжгүй гэж үзсэн байна.