Оросын сөрөг хүчний зүтгэлтэн Б.Немцовын аллагатай холбоотой өөрийн хувилбарыг Германы “Frankfurter Allgemeine” (FAS) сонин сэтгүүлч дэвшүүлжээ. Улстөрч Америкийн эрх баригчидтай нягт хамтран ажиллаж байсан нь түүнийг хөнөөх шалтгаан байх магадлалтайг тусгай албанд ажилладаг сонины эх сурвалж өгүүлсэн байна. Өнгөрсөн оны гуравдугаар сард Крымыг ОХУ-ын бүхэлдэхүүнд нэгтгэсний дараа АНУ-аас хориг арга хэмжээ авахаар бэлтгэх явцад Б.Немцов жагсаалтад оруулах улстөрч, бизнесмэнүүдийн нэр, бусад мэдээллийг дамжуулдаг байж. Оросын сөрөг хүчний зүтгэлтэн Владимир Милов энэ хувилбарыг үнэнд хамгийн ойр хэмээн үзэж, эрх баригчид хориг арга хэмжээ тус улсын санхүүгийн салбарт ийм хүнд тусна гэж бодоогүйг өгүүлсэн аж. “Ийм хатуу хориг арга хэмжээ авсанд Б.Немцов буруутай гэж тэд үзсэн” хэмээн В.Милов мэдэгджээ. Үүнээс гадна Б.Немцов АНУ-ын эрх баригчдаас 2012 баталсан “Магнитскийн жагсаалт” хэмээх баримт бичиг бэлтгэхэд тусалсан гэнэ. Тэрбээр 2014 онд Америкийн Сенатын гишүүн Ж.Маккейн, Р.Жонсон нартай уулзаж, В.Путинтэй ойр дотно Оросын 13 хүний жагсаалт өгч, хориг арга хэмжээ авах өргөтгөсөн жагсаалтад оруулахыг хүсчээ. Б.Немцовын үйл ажиллагааг Америкийн тэр-бумтан Ж.Сорос санхүүжүүлдэг байсныг “Frank-furter Allgemeine”-д өгүүлсэн байна.

Д.Болд