Канадын шүүхээс тамхи үйлдвэрлэгч томоохон компаниудыг тус улсын гурван иргэнд 12.4 тэрбум ам.долларын нөхөн олговор төлөхийг үүрэг болгожээ. Компаниудыг тамхины хор хөнөөлийн тухай мэдээллээр хангаагүй гэдэг үндэслэлээр энэхүү нөхөн төлбөрийг олгосон тохиолдолд тамхичдад учруулсан оюун санааны хохирлыг хамгийн их хэмжээгээр барагдуулсан тохилдол болох юм. Гэсэн ч “Imperial Tobacco”, “Rothmans Benson & Hedges”, “JTI-MacDonald” зэрэг компани шүүхийн энэ тогтоолыг хүлээн зөвшөөрөхгүйгээр давж заалдахаар болсон байна.