Хятадын Гуаньси мужийн Юйлинь хотноо нар буцах өдөр зохион байгуулдаг нохойн мах идэх баяр болж байна. Хоёр өдөр үргэл-жилдэг энэ баяр сүүлийн жилүүдэд хятад иргэдийг талцуулдаг болжээ. Учир нь, нэг хэсэг нь хүний найз сайн нөхөр болох нохойн мах идэх нь харгис, дээр нь золбин амьтдын мах зооглох нь эрүүл мэндэд халтай хэмээн үздэг. Харин нөгөө хэсэг нь өөрсдийгөө Хятадын эртний уламжлалыг дагаж байгаа тухай өгүүлдэг аж. Хятадад өмнө нь нохой, муурын махаар бэлтгэсэн хоол олж идэхэд түвэггүй байсан бол сүүлийн үед тус улсын эрх баригчид энэ байдалтай тэмцэл өрнүүлсэн боловч бүрэн хориглоогүй. Тайваньд нохойн мах идэхийг 2001 оноос хориглосон боловч ийм төрлийн хоол захиалж идэх боломжтой хэвээр билээ.