Оросын Ерөнхийлөгч В.Путин газрын тосны үнэ буурсан өнөөгийн нөхцөлд хөрш Украинд шатдаг хийн үнийн хөнгөлөлт үзүүлэх боломжгүй гэдгийг мэдэгджээ. Гэхдээ Украинд нийлүүлж буй шатдаг хийн үнэ Польш зэрэг хөрш зэргэлдээ орнуудад нь нийлүүлж буй үнээс илүү байж болохгүйг хэлсэн байна. ОХУ-ын эрх баригчид өнгөрсөн оны аравдугаар сарын1-нээс эхлэн энэ оны гуравдугаар саны 31-нийг хүртэл Украины талд үнийн хөнгөлөлт эдлүүлсэн юм. Тухайлбал, 1000 шоо метр шатдаг хийн үнэ 333.33 ам.доллараас буурсан тохиолдолд гаалийн татварыг тэгэлснээр гэрээний үнээс30 хувиар хямд худалдаж байв. Харин газрын тосы үнээс хамаардаг шатдаг хийн гэрээний үнэ 333.33 ам.доллараас дээш гарч, гаалийн татварын хэмжээ 100 ам.доллараас давсан тохиолдолд 100-аар тооцохоор шийдвэрлэсэн аж. Энэ оны хоёрдугаар улиралд үнийг мөн энэ аргачлалаар тогтоосон байна.