Энэтхэгийн Мадхя Прадеш мужид галт тэрэгний хоёр цуваа хоорондоо хоёр минутын зайтай замаасаа гарснаас 24 хүн амь насаа алдаж, 25 хүн бэртжээ. Эсрэг чиглэлд явсан хоёр галт тэрэг үерийн усанд автсан гүүрэн дээгүүр гарч байсан ба хэд хэдэн вагон нь голд унасан байна. Энэтхэгт борооны улирал болж, хур тунадас ихээр орсноос төмөр замын далан усанд эвдэрсэн аж. Түүнчлэн төмөр замаар өдөр тутам 23 сая хүн зорчдог ба дэд бүтэц, хөдлөх бүрэлдэхүүн нь нэлээд хуучирснаас осол байнга тохиолддог аж.