Хятадад агаарын бохирдолтой холбоотой өвчний улмаас өдөртөө 4400, жилдээ 1.6 сая хүн нас бардаг болохыг UPI агентлагаас мэдээлжээ. Калифорни муж дахь “Berkeley Earth” хүрээлэнгийн судлаачдын тооцоолсноор Хятад дахь агаарын бохирдолтой бүс нутгийн оршин суугчдын 38 хувийнх нь эрүүл мэнд муудсаныг зүрх судас, уушгины өвчлөлийн тоо баримтаас илэрхий байгаа аж. Хятадын эрх баригчид байгаль орчны бохирдолтой холбоотой өвчлөлийн тоо баримтаа ил тод мэдээлэхээс цааргалж, цахим сүлжээнд гарсан энэ тухай мэдээллийг устгуулдаг аж.