ЮКОС компанийн тэргүүн асан М.Ходорковский овгоо брэнд болгон бүртгүүлснийг “Коммерсант” сонин мэдээлжээ. ОХУ-ын Зохиогчийн бүртгэлийн байгууллага ХОДОРКОВСКИЙ, KHODORKO-VSKI гэсэн барааны тэмдгүүдийг бүртгэсэн байна. М.Ходорковскийн өмгөөлөгчид эдгээр барааны тэмдгийг бүртгүүлсэн гэдгийг баталсан аж. Энэхүү барааны тэмдгийг Оросоос гадна Армен, Гүрж, Украин, Норвеги, Швейцарь зэрэг оронд бүртгүүлж баталгаажуулсан бөгөөд удахгүй Азербайжан, Беларусь, Израил, Казахстан, Молдав, АНУ-д бүртгүүлэхээр зэхжээ.