Одесс мужийн захирагч М.Саакашвили Украиныг сүүдрийн Засгийн газар удирддаг гэсэн байр сууриаYES олон улсын чуулганд илтгэл тавих үедээ илэрхийлжээ. “Манайд үндсэндээ сүүдрийн Засгийн газар бүхнийг удирддаг. Тэд “хувьцаат нийгэмлэг”- ийн эзэмшигчид юм” гэжээ. Мөн М.Саакашвили систем бүхэлдээ хямралд орсон гэдгийг өгүүлсэн аж. Сүүлийн үед Одесс мужийн захирагч М.Саакашвили болон Украины Ерөнхий сайд А.Яценюк нарын хооронд маргаан өрнөсөн байна. Гүржийн Ерөнхийлөгч асан М.Саакашвили Украины Засгийн газрын тэргүүнийг олигархиуд, тухайлбал, И.Коломойскийн эрх ашгийг хамгаалдаг хэмээн буруутгаж буй юм. Харин А.Яценюк“Нэгдүгээрт, би Гүржийн Ерөнхийлөгч болохыг зориогүй” хэмээн түүнд хариу барьжээ. Мөн хувьцаат нийгэмлэгүүд дэх хурлын ирцийг 50 хувь+нэг хувьцаа болгон өөрчилснөөр тэрбээр“Укрнафта” дахь И.Коломойскийн байр суурийг ганхуулсан гэдгээ дурджээ. “Бид хурлыг зарлан зохион байгуулж, шинэ удирдагчийг нь сонгосон. Түүнтэй уулзаж, хөдөлмөрийн гэрээний заалтуудыг нь хэлэлцэж, ажлаа эхлүүлсэн” хэмээн А.Яценюк“Укрнафта” компанийн тэргүүнээр Британийн иргэн Марк Роллинзийг томилсон тухай ярьжээ.