“Википедиа” сайт дахь мэдээллийг үл мэдэх этгээд өөрчилснөөс“iPhone” утасны дуут туслах“Siri” программ хэдэн цагийн турш“А.Меркель бол худалч, АНУ-ын боол юм” гэсэн хошин мэдээлэл уншиж, хэрэглэгчдийг хөгжөөжээ. Германы хэвлэлүүдэд өгүүлснээр “Викимедиа” сайт дахь бичвэрийг хагас цагийн дараа хуучин хэвэнд нь оруулсан ч “iPhone”-ийн “Siri” программ үүнийг анзааралгүй хэдэн цагийн турш “Ангела Феркель” (Ferkel гэдэг нь германаар торой гэсэн утгатай) нь “Германы худалч, АНУ-ын боол. Харамсалтай нь 2005 оны арваннэгдүгээр сарын 22-ны өдрөөс Германы канцлераар ажиллаж байна” гэсэн мэдээлийг уншсан байна. Блоггерууд уг бичвэрийн гэрэл зургийг нэн даруй цахим хуудастаа байршуулж хөгжилдсөн аж. Германы холбооны канцлерын нэр хүнд сүүлийн үед нэлээд унасан байна.