АНУ-ын телевизийн од Опра Уинфри хоногт 45 сая ам.доллар олсон талаар Холливуудын TMZ сэтгүүлд бичжээ. Учир нь Опра эрүүл хооллолт, жин хасах хүнсний бүтээгдэхүүн үйлдвэрлэдэг “Weight Watchers” компанийн хувьцааг зургаан ам.доллараар худалдан авчээ. Харин өнгөрсөн даваа гаригт тус компанийн хувьцаа үнэт цаасны зах зээл дээр өсч 13.92 ам.доллар хүрчээ. Улмаар Опрагийн од гийж хоногийн дотор 45 сая ам.доллар хувьцааны зах зээлээс олсон байна. Опра дэлхийн хамгийн баян эмэгтэйчүүдийн жагсаалтад олон жил бичигдсэн ба “Форбес” сэтгүүл өнгөрсөн жил түүний хөрөнгийг 2,9 тэрбум ам.доллар гэж тодорхойлжээ.

Д.Болд