Германы канцлер Ангела Меркель өнгөрсөн лхагва гаригт Берлинд гаргасан мэдэгдэлдээ Палестин, Израилийн мөргөлдөөнийг зохицуулахын төлөө талууд хүчин чармайлт гаргахыг шаардсан байна. А.Меркель энэ өдөр Израилийн Ерөнхий сайд Бенжамин Нетаниахутай ярилцахдаа Ойрхи Дорнодын байдлыг голлон хэлэлцсэн аж. Энэ үеэр А.Меркель Палестин, Израилийн ээлжит мөргөлдөөний хохирогсдод эмгэнэл илэрхийлжээ. Тэрбээр“Хоёр орон энхийн замаар мөргөлдөөнийг зохицуулаасай гэж хүсч байна” гэсэн байна.